Уран бүтээлч: Зинедин Зидан

Хөлбөмбөгийн түүхэн дэх бүх цаг үеийн шилдэг хөлбөмбөгчдийн нэг болох ФИФА-н дэлхийн шилдэг хөлбөмбөгчин цолыг гурвантаа хүртэж байсан хүн бол Зинедин Зидан юм. Түүний гайхамшигт хөлбөмбөгийн замнал баялаг байсан агаад мэргэжлийн хөлбөмбөгчний хүртэж болох бүхий л титмийг тэр авч чаджээ.

1998 оны Дэлхийн аваргын финалд Бразилийн шигшээгийн хаалгач Клаудио Таффарелийн хаалганд мялаасан 2 бөмбөг нь бүх Францын ард түмний зүрх сэтгэлийг бүрэн эзэмдэх эхлэл болсон юм.

Зиданы гол шийдвэрлэх тоглолтууд дээр эсрэг багийнхаа хаалганд гоол оруулдаг ур чадвар нь ганц Францын шигшээд ч биш мөн Реалд байхад нь харагдаж байсан юм. Энэ нь түүнийг агуу гэдгийг батлан харуулж байгаа юм.

Хурдан бөгөөд хэцүү зам: 1972 оны 6-р сарын 26нд Францын Марсэйд төрсөн тэрбээр Газар дундын тэнгисийн эрэг дээр орших хөлбөмбөгийн Канн клубт 16хан насандаа хөлбөмбөгийнхөө замналыг эхэлсэн юм. Энэ эхлэл хүнд хүчир замын дунд бүдчиж унамаар хэцүү байсан боловч залуу хүү гайхамшигтайгаар өсөн дэвжиж Францын хөлбөмбөгийн нарийн уламжлалтай хөлбөмбөгийн ур чадварыг эзэмшсэн юм. Тэр үеийн Канн хөлбөмбөгийн клубын дасгалжуулагч байсан Луйс Фернандэс (1984 оны Платини тэргүүтэй Францын шигшээ Европын аварга болоход Фернандэс мөн тоглогчоор байсан) Зиданыг 17 нас хүрэхээс өмнөхөн олж харж түүнийг 1-р шигшээд тоглуулах болжээ.

Гайхамшигт эхлэл: 1994 оны тэрбээр Чехтэй хийсэн тоглолт дээр 2-0р багаа хожигдож явахад нь хоёр гоол хийн багаа хожигдлоос аварч байсан юм. Зидан Бордод тоглож байхдаа 1996 онд УЕФА-н цомын тэмцээны финал хүрч байжээ.Энэхүү гайхамшигт эхлэл нь түүний ур чадварыг биширсэн Ювэнтусын удирдлагууд 4 сая доллараар авахад хүргэжээ. Итали руу ирсэн явдал түүнийг өөрийн авъяас чадварыг улам хөгжүүлэх боломж олгосон төдийгүй Турины клубт болоод Францын шигшээдээ плеймэйкэрээр тоглох үүргийг нь өндөрсгөж өгчээ.

Өндөрлөг рүү: Ювэнтусд байхдаа тэрбээр Европын суперцом болоод тус бүр хоёр удаа Тив хоорондын цом, Италийн аваргын титмийг авч байжээ. Тиймдээ ч түүнийг “Нью-Йорк Таймс” сонинд хөлбөмбөгийн “Жордан” хэмээн нэрлэжээ.
Зинедин Зидан Дэлхийн шилдэг хөлбөмбөгчин цолыг гурвантаа хүртсэн нь түүнийг чадварыг үнэлж буй хэрэг бөгөөд цөөхөн клубууд Зизуг авах хэмжээний мөнгийг гаргаж чадах юм. Харин Реалын удирдлагууд 63,6 сая долларын үнийн санал гаргаж Ювэгээс түүнийг салгаж чаджээ. 2002 оны Аваргуудын лигийн финалд Баер Леверкузений эсрэг зүүн хөлийн хүчэй цохилтоор маш гоёмсог гоол хийсэн бөгөөд, Зизугийн авч чадаагүй ганцхан цом ийнхүү түүнд ирсэн юм.

Реалд тэрбээр 2003 онд лигийн титмийг хүртэж 2003 оны 12-р сард дэлхийн шилдэг хөлмбөгчин цолыг гуравдахь удаагаа хүртлээ.

Энэ гоолыг хүн бүр санаж буй байх...Евро-2004 дээр 92 дахь минутад хаалттай цохилтоос английн эсрэг..ганцхан тэр л 92дахь минутад хаалттай цохилтоос английн эсрэг хийж чадах байх...

Байрлал: Хагас хамгаалагч
Клуб: Канн 1988-1992, Бордо 1992-1996, Ювэнтус 1996-2001, Реал Мадрид 2001-с одоог хүртэл
Францын шигшээд анх тоглосон огноо: 1994/08/17 Франц-Чех 2-2
Францын шигшээд анх оруулсан гоол: 1994/08/17 Франц-Чех 2-2р тэнцэхэд Францын талаас 2 гоол
Дэлхийн аварга: 6тоглолтод оролцож 2 гоол оруулж ДА болж байсан.
Европын аварга:10 тоглолтод оролцож 2 гоол. 2000оны аварга, 1996 оны 4-р байр
Аваргуудын лиг: 1997,1998 оны финалист, 2002 оны аварга
УЕФА цом: 1996 оны финалист
Тив хоорондын цом: 1996,2002
Европын суперцом: 1996,2002
Италийн аварга: 1997,1998
Италийн суперцом:1997
Испанийн аварга:2003
Испанийн суперцом:2001,2003
Бусад:Европын шилдэг хөлбөмбөгчин 1998, Дэлхийн шилдэг хөлбөмбөгчин 1998, 2000, 2003 онуудад
УЕФА-н шилдэг хөлбөмбөгчин 2002 онд

Бичлэгийг: Сэйкони

Икер Касияас: Би найман настайгаасаа л энд байгаа.

Та дэлхийн шилдэг хаалгач болохыг мэдээж их хvсч буй биз дээ?

Би vvний тулд л єдєр бvр бэлтгэл хийдэг. Хvссэн єдєр маань ирэхэд би хязгааргvй их баяртай угтах болно.


Дэлхийн шилдэг болоход ямар нэгэн зvйл дутаад байна уу?

Би єєрийгєє олон талаар илvv сайжрах ёстой гэж боддог. Харин ганц хоёр дутагдал бий гээд онцлоод хэлчихээр юм алга даа. Тэгээд ч тєгс тєгєлдєр хєлбємбєгчин байдаггvй гэж би боддог.

Дэлхийн шилдэг хаалгачаас єєр хvртэхийг хvсдэг алдар, цол юу байна?

Испанийн шигшээ багтайгаа дэлхийн аварга юмуу Европын аварга болохыг хvсдэг. Манай шигшээ ийм ялалт байгуулах гавьяатай, чадвартай гэж боддог. Дэлхийн цом юмуу Европын аваргын цомыг єргєєд зогсож байх тэр агшин миний амьдралын утга учир юм.

Зурагтаар хєлбємбєг vзэхдээ хаалгачдыг л ажаад байдаг уу?

Vргэлж л хаалгачийг хардаг. Бvр багадаа л би хєлбємбєг vзэхдээ тоглолтыг харахаасаа илvv хаалгачийн хєдєлгєєнийг л аждаг байлаа. «Бернабеу»-д ээжтэйгээ ирдэг байхдаа Буйог л хардаг байсан.

Багийнхан чинь урагш довтлоод явчихаар «мартагдчихсан» юм шиг санагддаг уу?

Мэдээж, ийм гайхалтай хєлбємбєгчидтэй баг довтлохоос биш яах вэ. Хэдийгээр манай баг довтлохыг эрхэмлэдэг ч бас хамгаалах vvргээ сайн биелvvлж байх ёстой л доо. Тэгээд ч сvvлийн хагас жилд багийнхан маань хамгаалалтандаа мэдэгдэхvйц их анхаардаг болсон. Роналдо хvртэл хойш ухарч бємбєг булааж байна шvv дээ. Vvнээс илvv зvйл гэж юу байх вэ.

Бразилд хаалгач болох сонирхолтой хvvхдийг солиотойд тооцдог гэдэг юм билээ. Чи багаасаа л хаалгач болохыг хvссэн гэж vv?

Vгvй ээ, би хєлбємбєгийг ер нь сонин байдлаар сонгосон юм л даа. Багадаа аавтайгаа хєлбємбєг тоглодог байлаа л даа. Аав маань хаалга манахдаа маш их уйддаг байсан тул намайг хаалганд зогсоох болсон юм. Харин дараа нь євєє маань надад хаалгачийн футболк, бээлий бэлэглээд л хувь заяаг минь заагаад єгчихсєн.

Сvvлийн таван жилд та «Реал»-тай бараг бvхий л тэмцээнд тvрvvллээ. Ялалтандаа цадаж байна уу?

Харин ч эсрэгээрээ шvv. Улсын аваргад анх тvрvvлээд дахин тvрvvлээд байхдаа ч дахиад тvрvvлэхсэн гэж л хvсдэг. Европын багуудын цомд ч гэсэн тvрvvлээд баймаар л байна. Одоо бол Эзэн хааны цомыг хvртэхийг их хvсч байна. Манай багт тэр цомыг хvртэж vзээгvй хvмvvс олон бий.

Та хувь тєєрєг зурагдчихсан байдаг гэдэгт итгэдэг vv?

Vндсэн хаалгачид бэртэл гэмтэл авсаны улмаас л би «Реал»-д vндсэн бvрэлдэхvvнд гарч тоглох болсон хvн шvv дээ. Мэдээж би ийм маягаар vндсэн хаалгач болохыг хvсээгvй ч єєрийнхєє боломжийг ашиглах л ёстой байсан. Миний хувь тєєрєгт итгэдэг. Учир нь итгэж, vнэмшихгvй байхын аргагvй тохиолдлууд цєєнгvй таарч байлаа.

Касияaс бvх залуу насаа «Реал»-д зориулах юм гэж vv?

Тэгэлгvй яах вэ. Би найман настайгаасаа л энд байгаа. Бараг 15 жилийг «Реал»-д vдэхдээ би явах юмсан гэж огт бодогдоогvй. Энд л тоглож эхэлсэн учраас эндээ л зодог тайлах болно.

Орчуулсан: Дугаар 7