Та эцсийн эцэст Реал Мадридын тоглогч боллоо. Танилцуулгын үеэр ерөнхийлөгч таныг дэлхийн хамгийн шилдэг хөлбөмбөгчдийн нэг хэмээн хэлсэн. Та түүний хэлснийг батлахад бэлэн байна уу?Би ямарваа нэгэн зүйлийг батлах хэрэггүй гэж бодож байна. Би өөрийгөө аль хэдийн ямар вэ гэдгээ харуулсан. Рейес Лондонд байхдаа олон гайхамшигтай тоглолтуудыг үзүүлж байсан. Одоо харин хоёр өөр лиг миний урд байгаа боловч аз миний талд үйлчилж би өөрийнхөө хамгийн сайн гэсэн тоглолт бүхнийг гаргахыг чармайх болно.
Таныг талбайн баруун талд ч тоглож чадна гэж Капелло хэлсэн?
Би англид байхдаа тэр жигүүрт тоглож байсан. Хаана ч тоглосон надад хамаагүй. Би хэдий удаан талбай дээр байна төдийчинээ л аз жаргалтай байх болно.
Гэхдээ та хөдөлшгүй дархан эрхтэй байрлалд байхыг хүсч байгаа шүү дээ. Тэр байрлалд Рауль тоглож байгаа.
Би энэ байрын төлөө хэнтэй ч өрсөлдөхөд бэлэн байгаа. Бэлтгэл болгон дээр Рейес тоглож чадна гэдгийг дасгалжуулагчид батлахыг хүсч байна.
Атлетико Мадридтай болсон хэрэг явдалд таны хэлэх зүйл юу вэ?
Би зөвхөн өнөөдөр хэр аз жаргалтай байна вэ? Гэдгийг л ярихыг хүсч байгаа. Би одоо бол Реалын нэг хэсэг. Атлетикотой холбоотой бүх зүйл аль хэдийн алга болсон боловч Атлетико намайг сонирхож байсанд баярлалаа гэж хэлэх хэрэгтэй. Үндсэндээ бол Арсенал аль хэдийн Атлетикогийн саналд “үгүй” гэж хэлсэн юм. Тэгээд л болоо.
Таньд Лондонд юу болж өгөхгүй байсан юм бол?
Бүх зүйл явдгаараа явж байсан боловч би өөрийнхөө Мадрид руу ирэх хүслээ дарж чадахгүй байсан. Англи хэл болоод цаг агаарт миний байгаа байдал дасч чадахгүй байсан нь үнэн юм. Энэ маш хэцүү байсан юм шүү. Бидэнд агуу дасгалжуулагч байсан, гэхдээ Реал Мадридад ч бас нэг байгаа гэдгийг хэлэх хэрэгтэй шүү.
Таны Венгертэй уулзсан явдал гол учир болсон уу?
Энэ болох л байсан. Бид хэд хэдэн сэдвээр ярилцсан. Хамгийн чухал нь юу байсан бэ гэвэл бид бүх зүйлийг ойлгомжтой болгосон. Тэгээд Мадридад ирэх тэр замыг минь засч өгсөн.
Та өнгөрсөн зуны ганцхан авсан Испани тоглогч. Та ямар нэгэн илүүтэй өндөр үүрэг хариуцлага мэдэрч байна уу?
Бид бүгд л ижилхэн хариуцлагатай байдаг. Хаанаас ирсэн нь чухал биш. Бид бол нэг баг. Бид өөрсдийнхөө үүргийг хангаж л байх ёстой.
Та Реал руу зээлээр ирсэн цөөхөн тоглогчдийн нэг.
Намайг багтаа элсүүлэхэд хугацаа байгаагүй тул цонх хаагдахаас өмнө авчирсан гэж ерөнхийлөгч надад хэлсэн. Хамгийн гол нь би энд ирсэнд байгаа юм. Бүх Мадридистанууд надад итгэж буй болохоор би энэ жил маш их мэрийнх болно. Талбай дээр яагаад энэ багт Рейес хэрэгтэй гэдгээ батлан харуулах болно. Энэ бүх зүйл бол миний бодож байгаа зүйлс юм. Нэг жилийн хугацаанд юу болохыг харцгаая. Харин хугацаа дуусахад эцсийн шийдвэрийг би гаргахгүй.
Та Баптистад хандаж юу гэж хэлэх байсан бол?
Би Баптистад сайн сайхан бүхнийг хүсэн ерөөж байна. Тэр сайн найз агаад агуу тоглогч юм.
Сагсан бөмбөгчдийн сүр сүлдээс таны шинэ баг эрч хүчийг авах болов уу та юу гэж бодож байна?
Хөлбөмбөг сагс хоёр хоорондоо ялгаатай зүйлс. Бидэнд хожлын сүр сүлд байх хэрэгтэй. Гэхдээ багт маань ийм зүйл байгаа.
Та Луйс Арагонэсийн чадварт итгэлтэй хэвээрээ байгаа юу?
Бид бүгд Луйсийг мэднэ. Буруугаар явж байсан ч бид тэрэнд итгэдэг. Бид түүнийг үлдээгээд бүх зүйлсийг сайнаар эргүүлнэ гэдэгт найдаж байгаа.
Таны гэр бүл мэдээж таньд маш чухал.
Миний гэр бүл бол хамгийн чухал зүйл. Бид Лондонд байж чадахгүй байсан. Гэр бүл маань энд аз жаргалтай байх болно. Миний гэр бүл аз жаргалтай байх юм бол би аз жаргалтай байна.
Таны шүтдэг хөлбөмбөгчин хэн бэ эсвэл байсан бэ?
Маш олон агуу тоглогч нар байгаа. Гэхдээ хамгийн агуу нь Марадона байсан.
Та Лэвантегийн эсрэг тоглоход бэлэн үү?
Мэдээж бэлэн. Дон маргааш гэхэд тоглогчдийн жагсаалтаа гаргана. Миний нэр тэнд байгаасай гэж найдаж байна. Хурдан л би багтаа нэмэр болохыг хүсч байна
Орчуулсан: Сейкони
No comments:
Post a Comment